१२ वर्षीया बालिकाको एक महिनामा दुई विवाह

काठमाडौं । केन्यामा एक १२ वर्षीया बालिकालाई एक महिनाभित्र दुई वयस्क पुरुषसँग विवाह गर्न बाध्य पारिएको छ । नाइरोबीबाट पश्चिममा अवस्थित नारोक काउन्टीमा बसोबास गर्ने १२ वर्षीया बालिकालाई आफ्नै पिताले एक महिनाभित्र दुई जनासँग दबाबपूर्ण विवाह गराएका हुन्।

पहिलो विवाह ५१ वर्षीय पुरुषसँग र अर्को विवाह ३५ वर्षीय पुरुषसँग भएको हो । पहिलो विवाहपछि भागेर घर फर्किएकी उनलाई बुवाले पून अर्का पुरुषसँग विवाह गराइदिएका हुन् ।

बालिकालाई जबरजस्ति विवाह गराएको थाहा पाएपछि बालअधिबारकर्मी र सरकारी अधिकारीहरुले उनको उद्धार गरेका छन् । अर्की एक बालिकाको उद्धारक क्रममा ती बालिकाका बारेमा सुचना पाएपछि आफूहरुले उनको उद्धार गरेको उद्धारमा संलग्न अभियानकर्मीले जानकारी दिएका छन् । केन्यामा १८ वर्षमुनिका बालबालिकाको विवाह गराउनु अपराध मानिन्छ ।